தமிழ்மொழி சொல்வளம் மிக்கது. ஒரு பொருளின் பல நிலைகளுக்கும் வெவ்வேறு பெயர் சூட்டுவது தமிழ்மொழியின் சி்றப்பாகும். சான்றாக,பழங்களின் மேற்பகுதியினைக் குறிக்க வழங்கும் சொற்கள் தனித்தனிப் பெயர்கள் தமிழில் உண்டு.காலவெள்ளத்தில் கரைந்துபோன மொழிகளுக்கிடையில் நீந்தித் தன்னை நிலைநிறுத்திக் கொண்டுள்ளது தமிழ் என்ன வளம் இல்லை என்று எண்ணி வியக்கத்தக்கவாறு பல்வேறு சிறப்பியல்புகளைக் கொண்டு விளங்குகிறது நம் செந்தமிழ் மொழி. அனைத்து வளமும் உண்டென்று விடை பகர்கிறது, தமிழ்ச்சொல் வளம்.
TNPSC Group 2, 2A, மற்றும் Group 4 (VAO), TET பொதுத்தமிழ் தேர்வுகளில் 'தமிழ்ச்சொல் வளம்' சார்ந்த வினாக்கள் தொடர்ந்து கேட்கப்பட்டு வருகின்றன. இப்பாடப்பகுதியில், பழங்களின் மேற்பகுதியினைக் குறிக்க (பழத்தோல் வகை - Fruit peel type) வழங்கும் பல்வேறு சொற்கள் மற்றும் அவற்றின் விளக்கங்களை அட்டவணை வடிவில் கீழே விரிவாகக் காணலாம்.
📜பாடத்தலைப்புகள் (click here) (toc)
தமிழ்ச்சொல்வளம்
சொல்வளம் இலக்கியச் செம்மொழிகளுக்கெல்லாம் பொதுவேனும், தமிழ்மட்டும் அதில் தலைசிறந்ததாகும்.
மொழிஞாயிறு என்றழைக்கப்படும் தேவநேயப் பாவாணரின் சொல்லாய்வுக் கட்டுரைகள் நூலில் உள்ள தமிழ்ச்சொல் வளம் என்னும் கட்டுரையின் சுருக்கம் இங்கு இடம்பெற்றுள்ளது. பல்வேறு இலக்கணக் கட்டுரைகளையும் மொழியாராய்ச்சிக் கட்டுரைகளையும் எழுதிய பாவாணர், தமிழ்ச் சொல்லாராய்ச்சியில் உச்சம் தொட்டவர்.
"தொன்மைமிக்க உலக மொழிகள் அனைத்திலும் தமிழே தொன்மை, முன்மை, எளிமை, ஒளிமை, இளமை, வளமை, தாய்மை, தூய்மை, செம்மை, மும்மை, இனிமை, தனிமை, பெருமை, திருமை, இயன்மை, வியன்மை என்னும் பல்வகைச் சிறப்புகள் அனைத்தையும் ஒருங்கே பெற்றிருக்கிறது."
-தேவநேயப் பாவாணர்(alert-success)
பாவாணர், தமிழ்ச்சொல்வளம் கட்டுரையில் வித்துவகை,வேர்வகை, அரிதாள் வகை, காய்ந்த இலைவகை, இலைக்காம்பு வகை, பூமடல் வகை, அரும்பு வகை, பூக்காம்பு வகை, இதழ்வகை, காய்வகை, கனி வகை, உள்ளீட்டு வகை, தாவரக் கழிவு வகை, விதைத்தோல் வகை, பதர் வகை, பயிர் வகை, கொடி வகை, மர வகை, கரும்பு வகை, காய்ந்த பயிர் வகை. வெட்டிய விறகுத்துண்டு வகை, மரப்பட்டை வகை, பயிர்ச்செறிவு வகை, நிலத்தின் தொகுப்பு வகை, செய் வகை, நில வகை, நன்செய் வகை, வேலி வகை, காட்டு வகை ஆகியவற்றின் சொல்வளங்களையும் விளக்கியுள்ளார்.
நில வகைகளின் பெயர்கள்: தரிசு, சிவல், கரிசல், முரம்பு, புறம்போக்கு, சுவல,அவல்.
தமிழ்ச்சொல் வளத்தைப் பலதுறைகளிலும் காணலாமேனும், இங்குப் பழங்களின் மேற்பகுதியினைக் குறிக்கும் சொற்கள் மட்டும் சிறப்பாக எடுத்துக்காட்டப்பெறும்.
பழங்களின் மேற்பகுதியினைக் குறிக்கும் சொற்கள் - அட்டவணை
பழங்களின் தோலின் தன்மையைப் பொறுத்து நம் முன்னோர் அதற்குத் தனித்தனிப் பெயர்களைச் சூட்டியுள்ளனர். அவற்றின் தொகுப்பு இதோ:
| வகைச் சொல் | பொருள் / விளக்கம் (எடுத்துக்காட்டு) |
|---|---|
| தொலி | மிக மெல்லியது (எ.கா. ஆப்பிள், தக்காளி போன்றவற்றின் மெல்லிய தோல்) |
| தோல் | திண்ணமானது (கொஞ்சம் தடிமனான பகுதி) |
| தோடு | வன்மையானது (கடினமான மேற்பகுதி) |
| ஓடு | மிக வன்மையானது (மிகவும் கடினமான பகுதி) |
| குடுக்கை | சுரையின் ஓடு (சுரைக்காயின் காய்ந்த மேற்பகுதி) |
| மட்டை | தேங்காய் நெற்றின் மேற்பகுதி |
| உமி | நெல், கம்பு முதலியவற்றின் மூடி (தானியங்களின் மேல் தோல்) |
| கொம்மை | வரகு, கேழ்வரகு முதலியவற்றின் உமி |
பழங்களின் மேற்பகுதியினைக் குறிக்க வழங்கும் சொற்கள் - Words that refer to the surface of the fruit
தொலி:
- (எ.கா. ஆப்பிள், தக்காளி, திராட்சை போன்றவற்றின் எளிதில் உரிக்கக்கூடிய மெல்லிய மேல் தோல்).
தோல்:
- (எ.கா. வாழைப்பழம், மாம்பழம் போன்றவற்றின் தோல்).
தோடு:
- (எ.கா. மாதுளம்பழம், பாதாம் போன்றவற்றின் மேல் பகுதி).
ஓடு:
- (எ.கா. தேங்காய், விளாம்பழம்).
குடுக்கை:
மட்டை:
உமி:
கொம்மை:
நினைவுகூர்க: கால்டுவெல்லின் கூற்று
சொல்வளம் இலக்கியச் செம்மொழிகளுக்கெல்லாம் பொதுவேனும், தமிழ்மட்டும் அதில் தலைசிறந்ததாகும். "தமிழல்லாத திராவிட மொழிகளின் அகராதிகளை ஆராயும்போது, தமிழிலுள்ள ஒருபொருட் பலசொல் வரிசைகள் அவற்றில் இல்லாக்குறை எந்தத் தமிழறிஞர்க்கும் மிகத்தெளிவாகத் தோன்றும். தமிழில் மட்டும் பயன்படுத்தப்பட்டுத் தமிழுக்கே சிறப்பாக உரியனவாகக் கருதப்படும் சொற்கள் மட்டுமன்றித் தெலுங்கு, கன்னடம் முதலிய பிற திராவிட மொழிகளுக்குரியனவாகக் கருதப்படும் சொற்களும் தமிழில்உள" என்கிறார் கால்டுவெல் (திராவிட மொழிகளின் ஒப்பியல் இலக்கணம்).
தொடர்புடையவை (Related Links)
- ஒரு தாவரத்தின் அடிப்பகுதியை குறிப்பதற்கான சொற்கள்
- ஒரு தாவரத்தின் பிஞ்சு வகையை குறிப்பதற்கான சொற்கள்
- தாவரங்களின் இளம் பருவத்திற்கான சொற்கள்
- கெட்டுப்போன கனிக்கும் காய்க்கும் தாவரத்திற்கேற்ப வழங்கும் சொற்கள்
- தாவரங்களின் இலை வகைகளைக் குறிக்கும் சொற்கள்
- தாவரத்தின் நுனிப்பகுதிகளைக் குறிக்கும் சொற்கள்
- தாவரங்களின் குலை வகைகளைக் குறிப்பதற்கான (காய்களையோ கனிகளையோ) சொற்கள்
- தாவரங்களின் கிளைப்பிரிவுகள்
- தோன்றுவது முதல் உதிர்வது வரை பூவின் ஏழு நிலைகள்
- தானியங்களுக்கு வழங்கும் சொற்கள்: மணிவகை
TNPSC பொதுத்தமிழ் வினா-விடை (Interactive Quiz)
தேர்வர்கள் தங்களைச் சோதித்துப் பார்க்க 5 முக்கிய மாதிரி வினாக்கள் கீழே கொடுக்கப்பட்டுள்ளன. சரியான விடையைத் தேர்ந்தெடுத்து விளையாடுங்கள்:
🎯 தமிழ்ச்சொல் வளம் - ஆன்லைன் மாதிரித் தேர்வு
1. 'சுரையின் ஓடு' என்பதை குறிக்க வழங்கும் தமிழ் சொல் எது?
2. வரகு, கேழ்வரகு முதலியவற்றின் உமி எவ்வாறு அழைக்கப்படுகிறது?
3. ஆப்பிள், தக்காளி போன்றவற்றின் 'மிக மெல்லிய' மேற்பகுதியை குறிக்கும் சொல் எது?
4. பொருத்துக:
1. தோல் - அ) வன்மையானது
2. தோடு - ஆ) திண்ணமானது
3. ஓடு - இ) தேங்காய் நெற்றின் மேற்பகுதி
4. மட்டை - ஈ) மிக வன்மையானது
5. நெல், கம்பு முதலியவற்றின் மூடியை குறிக்கும் சொல் எது?
.webp)
.webp)
Hi Please, Do not Spam in Comments