தமிழ் இலக்கணத்தின் ஐந்து பிரிவுகளில் ஒன்றான சொல் இலக்கணம் இலக்கண அடிப்படையிலும், இலக்கிய அடிப்படையிலும் இரு பிரிவுகளாகப் பிரிப்பர்.சொற்களின் இலக்கண வகை:1.பெயர்ச்சொல், 2. வினைச்சொல், 3. இடைச்சொல், 4. உரிச்சொல் என நான்கு.சொற்களின் இலக்கிய வகைகள்:1.இயற்சொல், 2.திரிசொல், 3.திசைச்சொல், 4.வடசொல் என நான்கு.
இடைச்சொல் பற்றி அறிந்துக் கொள்ளும் முன்பு கீழே குறிப்பிட்டுள்ளப் பதிவுகளை நினைவுகூர்க.
அடிப்படைத் தமிழ் இலக்கணம் சொல் இலக்கணம்
பாடத்தலைப்புகள்(toc)
இடைச்சொல் என்றால் என்ன?
இடைச்சொல்(Interjection) என்பது பெயர்ச்சொல் மற்றும் வினைச்சொற்களிலிருந்து வேறுபட்டது: இவ்விரண்டிற்கும் இடைப்பட்டது; தனித்து நடக்கும் ஆற்றல் அற்றது.
- பெயர், வினைச் சொற்களை இடமாகக் கொண்டு நடப்பதால் இடைச்சொல் எனப்பட்டது.
- பெயர்ச்சொல், வினைச்சொல்லுடன் சேர்ந்து வரும்.
- எப்போதும் தனியாகச் செயல்படாமல், பெயர்ச்சொல், வினைச்சொல்லுடன் சேர்ந்தே செயல்படும்.
- தனியாக இருந்தால் பொருள் தராது.
- இணைச்சொல்லாகவும், அசையாகவும் வேற்றுமை உருபாகவும், உவம உருபாகவும் பெயர்ச்சொல், வினைச்சொல்லுடன் இணைந்தே வரும்.
- பெயர்ச்சொல், வினைச்சொல்லுடன் இருக்கும்போது, எளிதாகப் பொருளையும் கருத்தையும் தெளிவுபடுத்தும்.
இடைச்சொல் எடுத்துக்காட்டு
- இராமனைப் பார்த்தேன்.
இதில் வரும் வேற்றுமை உருபு ஐ இடைச்சொல்லாகும்.
- கற்றதனா லாய பயனென் கொல்.
இதிலுள்ள கொல் என்னும் அசைச்சொல்லும் இடைச்சொல்லே.
இது பெயர்,வினைச்சொற்களுக்கு உள்ளும், அவற்றின் முன்னும் பின்னும் ஒன்றுபட்டு நடக்கும் தன்மை உடையது; ஓர் இடைச்சொல்லோ அல்லது பலவோ பெயர் வினைச் சொற்களின் அக, புற உறுப்பாக இடம்பெறும்.
- இது தனியாக வந்தால் பொருள் தராது
- பெயர்ச்சொற்கள், வினைச்சொற்களைச் சார்ந்தே வரும்.
"வேற்றுமை வினைசா ரியைஒப்பு உருபுகள்
தத்தம் பொருள இசைநிறை அசைநிலை
குறிப்
பெனெண்பகுதியின் தனித்தியல்பு இன்றிப்
பெயரினும் வினையினும் பின்முன்
ஓரிடத்து
ஒன்றும் பலவும் வந்து ஒன்றுவது இடைச்சொல்" - நன்னூல் 420
இடைச்சொல் எத்தனை வகைப்படும்?
இடைச்சொற்களின் வகைகள்
- வேற்றுமை உருபுகள்,
- வினையுருபுகள்,
- சாரியைகள்,
- ஒப்புருபுகள்(உவமஉருபுகள்),
- தத்தம் பொருளை உணர்த்துவன,
- இசை நிறைப்பன,
- அசை நிலைகள்,
- குறிப்புப் பொருளை உணர்த்துவன
என்னும் எட்டும் இடைச்சொற்களின் வகைகளாகும்.
இடைச்சொல் எடுத்துக்காட்டு
- இராமனைப்(ஐ) பார்த்தேன்,
- தம்பியும்(உம்) வந்தான்.
இதிலுள்ள 'ஐ' , 'உம்' என்பது இணைப்பு இடைச்சொல் சொல்லாக
வருகிறது.
- உண்ணாய்
வினையின் அகத்துறுப்பாய்த் 'ஆய்' என்னும் விகுதி இடைச்சொல் பெற்று வந்தது.
- அதுமன்
பெயரின் புறத்துறுப்பாய் 'மன' என்னும் இடைச்சொல் பின்னால் வந்தது.
| இடைச்சொல் வகைகள் | உருபுகள் | எடுத்துக்காட்டு |
|---|---|---|
| வேற்றுமை உருபுகள் | ஐ, ஆல், கு ... முதலியன | |
| வினையுருபுகள் | த், ட், ற், இன் - இறந்தகால இடைநிலை முதலியன | நிலத்தினன் |
| சாரியைகள் | அன், அத்து, அற்று முதலியன | பொன்னன்(பொன்+அன்) |
| ஒப்புருபுகள்(உவமஉருபுகள்) | போல, போன்ற, ஒப்ப, உறழ முதலியன | |
| தத்தம் பொருளை உணர்த்துவன | அ, இ, உ (சுட்டு) என்பன | அப்பையன் |
| இசை நிறைப்பன | செய்யுளில் சீர் நிறைப்பதற்காகப் பயன்படுத்தப்படும் ''ஓ!ஓ' முதலியன | வந்தானோ(ன்+ஓ) |
| அசை நிலைகள் | அம்ம, மியா, இக முதலியன | மற்று அது அம்ம |
| குறிப்புப் பொருளை உணர்த்துவன | ஐயோ! ஐயோ! அடடா! அடடா! முதலியன | ஐயோ! இறந்தானே |
வேற்றுமை உருபுகள்
பெயரை வேறுபடுத்திக் காட்டும் உருபுகள் வேற்றுமை உருபுகள் எனப்படும்.- ஐ, ஆல், ஆன்,ஒடு, ஓடு, உடன், கு, இல், இன் , அது , கண், உள், மேல், கீழ் என்பன வேற்றுமை உருபுகள் ஆகும்.
வேற்றுமை உருபுகள் எடுத்துக்காட்டு
- இராமனைப்(ஐ) பார்த்தேன்,
வினையுருபுகள்
- த், ட், ற், இன் - இறந்தகால இடைநிலை முதலியன
வினையுருபுகள் எடுத்துக்காட்டு
- நடந்தனன் (நட+ந்+த்+அன்+அன்)
வினையின் அகத்துறுப்பாய்த் 'த'கர ஒற்றாகிய த் இறந்தகால இடைநிலையும், 'அன்' சாரியையும், 'அன்' விகுதியும் என இடைச்சொற்கள் பல வந்தன.
சாரியைகள்
- அன், அத்து, அற்று முதலியன
சாரியைகள் எடுத்துக்காட்டு
- பொன்னன்
பெயரின் அகத்துறுப்பாய் விகுதிப் பொருள் இடைச்சொல் ‘அன்' பெற்று வந்தது
- நிலத்தினன்
பெயரின் அகத்துறுப்பாய் 'அத்து', அன்சாரியையும் 'அன்' விகுதியும் என இடைச்சொற்கள் பல வந்தன.
ஒப்புருபுகள்(உவமஉருபுகள்)
- போல, போன்ற, ஒப்ப, உறழ முதலியன
தத்தம் பொருளை உணர்த்துவன
- அ, இ, உ (சுட்டு) என்பன
தத்தம் பொருளை உணர்த்துவன எடுத்துக்காட்டு
- அப்பையன் (அ+பையன்)
பெயரின் புறத்துறுப்பாய் 'அ' என்னும் இடைச்சொல் முன்னால் வந்தது.
இசை நிறைப்பன
செய்யுளில் சீர் நிறைப்பதற்காகப் பயன்படுத்தப்படும் ''ஓ!ஓ' முதலியன
இசை நிறைப்பன எடுத்துக்காட்டு
- வந்தானோ (வந்தான்+ஓ)
வினையின் புறத்துறுப்பாய் 'ஓ' என்னும் இடைச்சொல் பின்னால் வந்தது.
அசை நிலைகள்
- அம்ம, மியா, இக முதலியன
அசை நிலைகள் எடுத்துக்காட்டு
- மற்று அது அம்ம
பெயரின் புறத்துறுப்பாய் 'மற்று', 'அம்ம' என்னும் இடைச்சொற்கள் முன்னும் பின்னும் பல வந்தன.
குறிப்புப் பொருளை உணர்த்துவன
- ஐயோ! ஐயோ! அடடா! அடடா! முதலியன
குறிப்புப் பொருளை உணர்த்துவன எடுத்துக்காட்டு
- ஐயோ! வந்தான்
வினையின் புறத்துறுப்பாய் 'ஐயோ' என்னும் இடைச்சொல் முன்னால் வந்தது.
- ஐயோ! இறந்தானே
வினையின் புறத்துறுப்பாய் 'ஐயோ', 'ஏ' என்னும் இடைச்சொற்கள் முன்னும் பின்னும் பல வந்தன.
இவ்வாறு இடைச்சொற்கள் ஒன்றோ பலவோ பெயர் வினைகளுக்கு முன்னும் பின்னும் புறத்துறுப்பாக வரும்; அகத்துறுப்பாக ஒன்றோ பலவோ வரும்.
தொடர்புடையவை
இடைச்சொல்
இடைச்சொல் உரிச்சொல் ஒன்பதாம்
வகுப்பு
இடைச்சொல் உரிச்சொல்
இடைச்சொல் இலக்கணம்
உரிச்சொல்
உரிச்சொல் என்றால் என்ன
உரிச்சொல் தொடர்
உரிச்சொல் தொடர் என்றால் என்ன
.webp)
Please share your valuable comments